Մեր մասին
Հայաստանի կինոգործիչների միություն
2017 թվականին Հայաստանի կինոգործիչների միությունը՝ Հայաստանի կինոգործիչների միության անդամ կինոօպերատորների ընդհանուր ժողովում որոշում է կայացրել ստեղծել Հայաստանի կինոօպերատորների գիլդիա և այն գրանցել որպես պրոֆեսիոնալ գիլդիա:
Նախագահ է ընտրվել, Վահագն Տեր-Հակոբյանը: Փոխնախագահներն են Մկո Մալխասյանը և Արգո Բարոյանը։ 2017 թվականից Հայաստանի կինոօպերատորների գիլդիային անդամակցել է 25 կինոօպերատոր:
2022 թվականի հունիսի 13-17-ը Հայաստանի կինոօպերատորների գիլդիան առաջին անգամ մասնակցեց Ամերիկայի օպերատորների ասոցիացիայի կողմից կազմակերպված 38 երկրների գիլդիաների և ասոցիացիաների մասնակցությամբ գագաթնաժողովին, որտեղ և ներկայացրեց իր գործունեությունը:
2023 թվականից Հայաստանի կինոօպերատորների գիլդիան IMAGO (International Federation of Cinematographers)- Օպերատորների միջազգային ֆեդերացիայի անդամ է։
2024թ-ին Հայաստանի կինոօպերատորների գիլդիան դարձավ առանձին հասարակական կազմակերպություն և թարմացրեց իր կանոնադրությունը, որով առաջնային կարևորություն ստացան մի շարք զարգացման ուղղություններ։ Նոր կանոնադրությամբ գիլդիան ղեկավարվում է խորհրդի հինգ անդամների կողմից,որոնցից մեկը պետք է լինի կին։ Նախագահը ընտրվում է երկու տարի ժամկետով։ Առաջին ընտրությունները կայացան 2025թ.-ին, և նախագահ ընտրվեց Մկո Մալխասյանը ACG, փոխնախագահ Վահագն Տեր-Հակոբյանը ACG, խորհրդի երեք անդամներ Աննա Տեր-Գաբրիելյանը ACG, Սուրեն Թադևոսյանը ACG և Մխիթար Սերոբյանը ACG։